診所禮儀11
J. 遲到嘅病人，通常唔係遲太多我哋都唔出聲。正常知道會遲到嘅，就會打定電話來報案或者改時間。 唔打嚟嘅，嚟到咪應該有禮貌地自動波講聲對唔住，我賤格，我PK，我遲到唔打黎。
我知，我明，當然呢個只係我哋嘅妄想。
有D病人係遲一至兩個小時。佢地黎到喺會大模廝樣做前幾個Post嘅嘢。喂，你book咗枱食飯但係遲到咁多，如果人多，張枱梗係俾人啦。餐廳都話淨係Hold檯15分鐘啦。
同一道理，你冇黎，梗係將你個位俾咗人地睇先。你終於大駕光臨，除非你係急症就嚟死啦，唔係你咪要等囉。我哋唔係唔睇你，不過人地準時到人地乖我仲咩要佢等呀？，你唔好每10秒就轉個頭怒啤我哋，每1分鐘就行過嚟問幾時有得睇。我地會用最溫柔嘅😊話Eventually實會Sip到睇你，因為大把人會好似你咁遲到。你等下啦☺️☺️。
聽過D病人零歉意厚住面皮話佢遲到唔係佢想㗎喔！佢話佢控制唔到D時間。唔識起身佢都唔想㗎喔！佢冇打黎改時間佢都唔想㗎！喂，係你自己打黎話你呢個時後黎得㗎喎。我冇逼你㗎喎！
對唔住，我錯。我Expect你會少少On Time。我明有D突發事/塞車等等係預計唔到。講句唔好意思唔係好難姐？
#其實個個都遲到我個Booking用黎做咩
#最憎係今日Book左唔黎聽日再Book都唔黎
Search